苏州闲话中格俗语(1)

苏州自古以来民间语言极为丰富，俚是吴文化最为浓墨重彩格组成部分，今朝苏州人来讲一讲有关老苏州人平时所讲格方言中还勒讲搭还流传下来格部分俗语、谚语搭歇后语，所讲格个类方言最主要格是，目前中老年人还勒讲，但勿少青年搭小囡有格阿听勿懂哉，有格能听懂勿会去讲。因此，苏州人经过整理，今朝开始要勒每周一回《吴言流语》来分享拨大家，让伲大家来讲讲，好拿老苏州闲话继续传承下去。

一个辔头阿有讲出辔头（辔音“批”）比喻短途快速奔跑。

一对带拉苏（对音“担”  苏音“酥”）犹言一对宝货，或难兄难弟。

一包焦 比喻一手包办。
一涨水退脱八尺阿有讲“一丈水退脱八尺”。（一音“乙”  涨音“丈”）形容失去仔兴趣搭劲头。
一马吃一马（马音“目”）一物降一物。

一门心思  比喻一心一意。

一似一脱式 完全一样。
一人一碗，打翻勿管（人音“银”）限量、公平对待。
一筅帚豁杀十八只蟑螂阿可以讲一筅帚甩煞十八只蟑螂（筅音“先”，煞音“杀”）喻批评不分青红皂白，同时误会仔无辜者或不明事理勿管三七念一。
一拳来一脚去（拳音“舅” 去音“启”）倷个样来，吾个样去。有来有往。

苏州人2026年1月5日于张香桥